Hér er gert við Prímusa

Hef ekki haft tíma til að tjá mig hérna vegna anna, veit varla hvað er búið að gerast á ÓL. Strákarnir stóðu sig vel eins og alltaf þótt þeir töpuðu fyrir Suður-Kóreu. Ég held að sundfólkið hafi líka staðið sig eins og við var að búast en hef ekki haft tíma til að kanna það.

Áfram Ísland

Í blíðu og stríðu

Verulega glæsilegur árangur hjá strákunum að taka Þjóðverjana í dag. Hreinasta snilld, við skulum ekkert vera að gera minna úr þessu en ástæða er til, Þjóðverjar eru heimsmeistarar og strákarnir unnu þá með fjögurra marka mun. Sá munur hefði orðið mun stærri ef Michael Kraus hefði ekki haldi þýska liðinu inni í leiknum með 13 mörkum. Það skyggði þó á að Pascal Hens skildi meiðast svo í leiknum að hann getur ekki meira spilað með.

Heldur gekk lakar í sundhöllinni en þó voru menn að reyna gera sitt besta og það er ekki hægt að fara fram á meira.

Áfram Ísland, í blíðu og stríðu.

Það verður því miður ekki sagt að sundfólkið okkar hafi riðið mjög feitum hestum frá ÓL í dag, eiginlega voru þetta bara helvískar horbykkjur. En hvað er eiginlega í gangi með þessar sundgellur, af hverju eru þær allar svona sætar?

Ég sá ekki sundið hjá Söruh Bateman en sýndist í samantektinni að hún hefði verið þriðja að snúa en svo fór allt í vaskinn á seinni 50. Eins var hjá Erlu Dögg, að mig minnir, að fyrri 50 voru alveg í lagi sem var fínt, þar sem mér fannst hún ekki ná mjög góðu starti, en síðustu 25 voru svo alls ekki að gera sig.

Þær stóðu sig samt vel stelpurnar, fyrsta skipti á ÓL og allt það, enginn að búast við heimsmeti. Talandi um heimsmet, andskoti held ég að Kirsty Coventry hljóti að vera spæld. Að synda undir gildandi heimsmeti í 400 metra skriðsundi en ná aldrei heimsmetinu og verða önnur af því Stephanie Rice synti á enn betri tíma.

Örn Arnarson átti svo mjög gott start eins og oftast, var fyrstur eftir 15 metrana en þaðan lá þetta allt niður á við. Tvímælalaust ekki eins góður tími og hann ætlaðist til. Hann kemur vonandi sterkur í 100 metra skrið.

Leiðinlegt með stelpuskottið hana Rögnu að meiðast svona í fyrsta leik. Hinsvegar geysileg bjartsýni hjá henni að spila á annarri löppinni, svo að segja. Hún þarf bara að drífa sig í aðgerð og taka þessa ræfla með báða fætur á vellinum.

Jakob Jóhann átti ekki alveg nógu góðan dag í 100 m bringunni, reyndar voru fyrri 50 m helvíti góðir hjá honum og ég hélt hann ætlaði að gera þokkalegan tíma en seinni 50 voru heldur slakir svo þetta fór ekki eins vel og áhorfðist.

Hvað varð eiginlega um ,,Í blíðu og stríðu" heimasíðuna?